電單車泊位疑設置不當
「整咗啲車位行人路得番六吋（闊）都唔夠，仲要畀啲車尾箱頂住，一個人側身過都好勉強，究竟運輸署點搞o架！」於灣仔區工作的李先生表示，吉安街近日新增多個電單車泊位，懷疑因泊位設置不當，大部分電單車車尾儲物箱均會伸延至行人路，對附近大廈出入口及通道造成嚴重阻塞。
運輸署發言人解釋，慶雲街近堅尼地街交界現正進行重建發展項目，原有的十二個電單車泊位需臨時遷移至附近街道，包括其中三個暫時遷到吉安街，預計明年初才會還原。發言人又承認曾接獲相關投訴，亦確認電單車車尾箱過於貼近行人路，造成阻塞，曾要求發展項目負責人盡快還原泊位但不果。
「（運輸署）完全罔顧市民安全，仲要等咁耐先還原，完全唔合理！」李先生不滿運輸署官僚，要求盡快另尋合適臨時泊位位置，「畀番條路市民行」。