回收商屋邨內擺檔阻路
華富（二）邨居民張小姐表示，華景樓對出休憩處不時有廢物回收商公然「擺檔」，阻塞通道並影響環境衞生，「呢度明明係房署範圍，咁樣一籠二籠擺晒喺行人天橋底，（房署）有咩理由咁都唔理？」張指有關情況已持續多時，不滿房屋署鮮有派員巡察。
不過，房署發言人卻稱，職員早前巡視期間並未發現有關情況，惟已加強上址的管制安排，包括在附近範圍當眼處張貼告示，告誡任何人士切勿佔用公用地方。發言人說，一旦發現違規情況，職員會即時作出勸喻，制止有關活動，同時清除在現場擺放的障礙物。
「咁都冇發現？我呢排都仲有見到佢哋喺度擺檔！」張小姐不滿房署巡查不力，變相助長違法行為，要求當局加強巡察，打擊非法回收商，及確保邨內環境衞生清潔。