色彩繽紛的唇貼潮流由歐美等地帶起，惟內地生產的部分平價唇貼產品，其所使用的材料卻無從稽查，令人擔心安全問題。有化妝師提醒本港貪靚女士，使用貼紙型化妝產品前必須做好護理，以免對皮膚造成傷害。
Colorcompass化妝師Melody表示，她在今年中已於美容展見過如唇貼、眼影貼等新式化妝品，深受化妝舞會女士歡迎，亦見內地不少生產商仿製有關產品，但品質成疑，「即使係一啲即貼即除嘅嘢，成分唔好，都會畀皮膚吸收，所以如果要試吓呢類產品，應該搵啲清楚來源地嘅。」
Melody指，為令唇貼穩固黏在嘴唇，使用前不能塗抹潤膚膏，因此在卸除時較為困難，亦會感到乾燥。
Melody建議女士在黏貼唇貼時，不要嘟起雙唇，否則唇部放鬆後會拉扯唇貼表面，造成不適，如卸除時有困難，應用棉花沾少許卸妝油，敷在雙唇數秒，再慢慢移除，「如果冇落妝油，可以用橄欖油或者BB Cream，但千祈唔好刮！」
藝人周秀娜則教路，若想在派對時加強唇部美感，可在派對前一晚敷上唇膜，然後再塗上厚厚的潤唇膏睡覺，化妝時用閃粉唇彩即能凸出唇形。