政情：廢腑之言：外國牛污糟過內地牛？
近日天氣咁凍，最好就係打邊爐喇。不過啲新鮮牛肉價格升完再升，直逼每斤百元大關，令大家買肥牛之前都要停一停、諗一諗。其實啲牛肉賣到咁貴，其中一個原因係活牛嘅供應被壟斷，無其他供應地同供應商提供競爭，任由佢點樣加價，市民都無其他選擇。
其實，香港人除咗北望神州嘅貴價活牛之外，仲可唔可以考慮由其他地方輸入活牛呢？食物及衞生局局長高永文尋日就話，由內地以外嘅市場引入活牛，會涉及安全同衞生問題，所以暫時唔會考慮喎。唔知佢係覺得啲市民會認為來自地溝油之國嘅活牛，會安全同衞生得過外國牛，定係擔心啲牛搭船搭飛機時會有安全同衞生問題呢？