大篋掛天橋市民睇見牙煙
「咁大個篋掛喺天橋，橋底又咁多人行，跌落去實有人受傷，真係好牙煙！」葉先生近日途經港鐵上水站，發現行人天橋竟有一大型行李篋及手推車等雜物懸掛於天橋外圍，「呢度單車違泊就出晒名，點知近排仲變本加厲！」葉斥責違例者罔顧行人安全，要求當局嚴厲打擊。
民政事務總署發言人表示，北區民政事務處、食物環境衞生署、北區地政處、運輸署及警務處已成立「處理北區單車問題跨部門工作小組」，每月進行一次聯合行動，清理選定街道的違泊單車，如同時發現雜物，包括懸掛在欄杆上的行李篋及手推車等，小組亦會一併清理，對上一次行動為十月底。
不過，當區區議員王潤強卻直斥部門處事僵化，「呢個問題我自己都投訴過，但食環署話啲行李篋唔掂哋就唔叫阻街，唔會即時清理，要等清單車嗰陣一齊清，真係荒謬！」王指天橋外懸掛雜物對行人的威脅不容忽視，部門不應循一般程序處理，需嚴加清理。