停車場失車領匯話之你
屋邨停車場發生失車事件，保安員竟懵然不知！藍田德田邨停車場有月租租戶取車時發現車輛不翼而飛，其後發現座駕原來早在三日前已被偷去，負責車場保安的職員卻對事件一無所知，管理公司更事隔逾八個月仍未能交代處理方法。區議員與關注團體皆狠斥領匯不負責任，要求檢討保安措施並從速處理問題。
「睇番閉路電視先知原來泊車當晚已經被人偷咗，但就冇人發現，直到三日後我去攞車先知！」張先生指其座駕在今年三月在停車場內無故「失蹤」，領匯卻至今仍未作適當處理，「依家唔係唔畀時間佢哋，但係幾個月嚟搵得我一次咁多，次次追佢哋淨係話查緊，我自己喺出面買嗰份保險七月已經出咗賠償喇！」張事後發現指停車場出入口更亭玻璃被遮蓋，「都唔知啲職員喺入面睇唔睇到有車出入！」
更亭窗局部遮蓋疑阻視線
有關停車場管理公司發言人表示，停車場廿四小時均有保安員當值，每兩小時亦會巡邏一次，每天更會不定時記錄場內停泊車輛資料以作存檔。另外，由於停車場入口更亭內放置閉路電視等保安設施，基於保安考慮，在不妨礙職員視線下，更亭玻璃窗已局部遮蓋。
發言人續稱，就張生的個案而言，已將有關閉路電視錄像交予警方，同時亦轉介保險公司跟進。有關個案現正由警方及保險公司調查及處理，保險公司將會就調查結果回覆當事人。
警方發言人證實，一名巿民投訴停泊於德田邨停車場內的車輛被盜。根據調查所得，案發當夜有兩名賊人駕駛另一輛私家車進入停車場內盜取該失車，案件仍在調查中，暫未有人被捕。
「之前只係聽過有車畀人刮花，依家直情成架車唔見咗，咁搞法同泊喺街有咩分別？」觀塘區議員柯創盛坦言事件令人震驚，直斥領匯疏忽管理，對外判公司監管不力，「領匯停車場不嬲都話唔夠人手，收得租就應該做好啲保安，咪淨係年年係咁加租，其他嘢就話之你！」柯又認為領匯必須迅速處理失車問題，不能以「拖字缺」對待租戶。
「淨係識加價 有事卸畀人」
公屋聯會主席王坤說，現時大部分屋邨停車場已屬領匯旗下物業，故領匯必須全面檢討保安措施及人手安排，「房署賣啲商場同停車場畀領匯，都係想提升服務質素，但係事實睇嚟好似反效果多啲！」王認為領匯有責任責成管理公司及保險公司盡快絡當事人，「淨係識加價，有事就卸晒啲責任畀人，邊有咁便宜嘅事！」
記者：朱廣華