唱盡兒歌《小明系列》十多年嘅家庭醫生李家仁，佢嘅歌仔一向出晒名易上口兼老少咸宜，繼「小明」上廣州、深圳、東莞等地後，最近竟然「過大海」添，莫非鼓勵人過澳門搏殺？大家唔使嚇親，李醫生今次創作嘅呢首《小明過大海》，其實係澳門旅遊大使嘅歌曲，簡單一首歌，就唱晒澳門近五百年嘅新舊交替、時代變遷，反映社區與交通問題，仲介紹大家食豬仔包同葡撻等地道美食添！最重要係，李醫生喺歌中Rap住奉勸大家唔好沉迷賭博，否則「貪字得個貧」，潮得嚟好有教育意義o架！
（互聯網）