社民連立法會議員梁國雄（長毛）正在收集議員聯署，準備根據《基本法》就山頂大宅僭建事件對特首梁振英（CY）提出彈劾議案，其中人稱「李漢奸」嘅民主黨創黨主席、本身係資深大律師嘅李柱銘，更向傳媒表明會組成律師團，協助長毛草擬彈劾議案，以確保議案內容符合《基本法》要求喎！前特首曾蔭權爵士被本報揭發貪盡海陸空，泛民主派亦有聯署彈劾佢，但當時就唔見李漢奸仆出嚟幫手草擬彈劾議案。唔通佢認為僭建嚴重過貪腐問題？定係因為佢同貪曾老友啲，同CY就有仇呢？
