工聯會一向都係支持港府施政嘅建制派，喺今年舉行嘅特首選舉中，佢哋更公開表明支持現任特首梁振英（CY）。CY近日忙於為大宅僭建問題拆彈，建制派當然要幫手解畫，不過，身兼工聯會榮譽會長嘅行政會議成員鄭耀棠（棠哥）尋日被問到CY僭建風波係咪涉及誠信問題，佢竟然回應話：「梁振英誠信唔存在……」
佢咁講，當堂引起全場嘩然，莫非佢質疑CY無誠信，工聯會唔再撐港府？原來佢講漏咗「問題」兩個字，「梁振英誠信唔存在問題」，咁就無問題嘞。棠哥係資深政治人，特區政府已經風雨飄搖，所以，咪玩啦。
