石硤尾行人路 汽車「展銷」
行人路變汽車展銷場，警方被斥有法不執！石硤尾大坑東棠蔭街對出行人路經常被車輛佔用停泊，部分車輛更展示價錢，公然「展銷」。陳先生平日與兒子上學行經時，便因違泊車輛阻路而需繞出馬路，雖曾向警方投訴，惟情況一直未有改善，「有警察巡就泊番埋少少，但係好多時都泊晒上行人路，呢頭好多細路要經嗰度返學，逼住行出馬路好危險！」
警方發言人稱，深水埗警署將就有關投訴派員巡查並採取適當的執法行動，以保障行人安全，強調維持交通暢順及道路安全乃警方職責之一。
「警方唔好口輕輕應承咗就算，其實個情況依家都仲係咁，究竟有冇人去執法？」陳不滿多次投訴後違規情況依然持續，不滿警方未有正視，擔心學童行經易生意外。