政情：今日你上鏡：自貶為奴
好多人都批評今屆立法會議員嘅議政能力不堪入目，但議事廳始終係一個莊嚴嘅地方，基本禮節始終唔少得。而自由黨新丁議員易志明仲去到「敬而生畏」嘅地步，做慣老細嘅佢一入到議事廳就自貶為奴。話說尋日易志明喺動議辯論發言時，作結竟然爆出一句：「主人，本人謹此陳詞！」
其實只要心水清都會發現，易志明已經唔係第一次將「主席」講錯做「主人」o架喇，雖然話禮多人不怪，但甘願尊稱立法會主席做主人嘅議員又真係比較罕見，但又未至於聞所未聞喎！例如今屆重返議會嘅金融界吳亮星（星爺），多年前做選舉委員會界別議員時，亦都試過將主席叫錯做「主人」，成為經典。星爺見到昔日經典得以「承傳」，唔知有乜感受呢？