政情:收料站:「格仔人」清晨打波一身爽

上回講到,近年活躍喺政界嘅「格仔人」,唔止出外偷食,仲要搵老友幫手叫「外賣」。雖然佢「滾性」難忍,但其實佢都好愛錫佢老婆,所以先諗埋晒咁多奇怪招數去左瞞右瞞,費事老婆傷心,都算係照顧老婆感受。「格仔人」仲有另一慣用伎倆,就係「清晨打波」。

「格仔人」愛去深圳打高爾夫球,因為深圳又近又方便,有時佢係真正去打波,但有時就夾雜其他活動。既然活動咁多,所以佢清晨五、六點就踏出家門出車,一去就成日,到夜晚深宵至返歸,真係「辛苦晒」,至於佢老婆知唔知佢另有活動,就真係得佢兩公婆至知嘞。

一行多用 出門唔好嘥

其實呢單料一早廣泛流傳,因為「格仔人」喺一次特別原因下,被迫要同相熟嘅人講呢件事。至於點解要有呢個特別原因呢,就容許我賣吓關子啦。其實「格仔人」無論係搵老友幫手叫「外賣」,定係「清晨打波」,絕招綜合嚟講只有一個,就係「一行多用」,每次有機會外出,就唔會浪費良機,一於搭單,做埋其他嘢。

第一手消息請下載on.cc東方互動iPhone/iPad/Android/Windows Phone Apps