城巴WiFi「慢」遊上網
「等咗幾分鐘都搵唔到個WiFi網絡，個無線上網服務咁差，巴士公司真係要檢討吓！」何小姐早前乘搭城巴42號線、由香港仔華富邨前往灣仔，即使城巴聲稱裝有WiFi無線上網服務提供，但啟動手機數分鐘仍未能接收訊號，認為服務有改善空間。
新世界第一巴士有限公司發言人表示，得悉有關意見後，已向網絡供應商反映情況，並會多加留意同類問題，以確保無線網絡系統運作正常，但指未有相關投訴數字提供。
「好多有無線上網嘅巴士線都有呢個問題，有時就算上到網，又要等好耐先load（下載）到，等到人都忟晒，希望佢哋可以好好改善吓！」何小姐指自上網服務推出後，已不只一次遇上類似情況，認為巴士公司有推卸責任之嫌。