亞洲電視日前以「娛樂手法」包裝集會，反對增發免費電視牌照，仲安排直播，之後更安排有關節目重播又重播，結果通訊事務管理局接獲逾千宗對亞視嘅投訴，認真高「收視」。呢單嘢最搞笑莫過於亞視大股東王征親自落場同藝員一齊大跳騎馬舞，隨即被網民惡搞變成「亞視XXStyle」。有人發起下星期六包圍大埔亞視總部，屆時王征再出嚟跳多part舞，咁就真係夠晒娛樂喇！
