政情：澳門君悅三周年變老上海
啱啱獲「Business Traveller China」《商旅》讀者評選為「澳門最佳商旅酒店」嘅澳門君悅酒店，尋晚喺澳門新濠天地舉行「上海1930」懷舊晚宴歡賀成立三周年，逾三百五十位賓客捧場，唔少人着上旗袍或洋服，伴着悠揚嘅爵士樂曲，彷彿重返上世紀三十年代嘅上海灘，眾人玩得好盡興。
澳門君悅係新濠天地旗下嘅旗艦娛樂項目，今年度已獲九項業界權威大獎。
澳門君悅酒店總經理郭世傑話，為咗追求新鮮及創意，令賓客留下美好回憶，今次特別舉辦以老上海為主題嘅氣派盛會，貫徹酒店一貫嘅典雅風範。