死者家姑狠斥「2012陳世美」
【本報訊】兩段情三個輸家，誰對誰錯都救不回女主角的性命。阿杏的家姑不但沒有怪責她再結新歡，反而替她開脫，指視媳婦為女兒，更將媳婦的死歸咎於豆腐檔東主，「呢個男人不負責任！（死者）為咗佢同個老公搞分居，竟然咁樣對佢！」家姑昨晨在多名親友陪同下到殮房認屍時，指豆腐檔東主「佢簡直係二○一二陳世美！」而被千夫所指的東主，昨如常開檔賣豆腐，更向記者發晦氣稱：「唔關你事。」
街坊稱，為孽緣送命的阿杏，有一雙大眼睛，樣子甜美，皮膚白皙、身材豐滿，街坊指她貌美如「香港小姐」；她雖然與夫分居，但再見亦是朋友，雙方經常相會及傾電話，其家姑亦思想開通，視她如親生女兒，街坊指：「佢（家姑）話緣來緣去無辦法，佢兩夫妻緣盡咗，仍然會當新抱係女咁錫。」
豆腐檔主：唔關我事
至於阿杏的新歡，年約四十歲，約五呎八吋高，身形魁梧、黑黑實實，染金髮，因做生意口材不錯，氹得師奶客開心，在街市內有「師奶殺手」之稱。記者昨到其豆腐檔，他照常開檔，當問到阿杏自殺原因時，他不耐煩表示：「關你咩事？我唔得閒。」
據街坊稱，前晚阿杏燒炭身亡，其家姑第一時間趕到，又着親友致電通知阿杏的男友，豈料對方反應冷淡，「唔關我事！你哋冇資格同我講嘢！」隨即掛線。家姑聞言為媳婦不值，「佢（阿杏）廿六歲咋！就畀佢搞到咁！呢個男人不負責任！應承佢嘅嘢統統做唔到！佢為咗衰人同老公搞分居，竟然咁樣對佢！」