因為醫生疏忽而身心飽受摧殘，雖然身體上的痛楚已大減，不過心中的怒火卻未熄滅。蘇喜氣憤地說：「我已經咁多病痛，仲要搞到痛咗個幾月，行都行唔到，好慘！」
蘇喜掀起上衣，腹部露出一條長達一呎，猶如蚯蚓般開刀留下的疤痕，正好見證剛經歷一次大手術。今次無辜傷上加傷，蘇形容是一次折磨，身上的痛楚雖稍為減輕，不過手腳腫脹仍未消減，出入均不便。
不過，最令家人擔心反而是再次接受手術，可能影響盲腸癌治療進度。蘇的兒子說：「上次嘅切除腫瘤手術，已經確認腫瘤係惡性，依家仲做緊化療，要食嘢先可以食藥，但做嗰個手術佢兩日唔食得嘢，但化療藥就要繼續食，嗰時佢做完第二次手術返嚟，就不停咁嘔。」蘇的情況令家人甚為心痛，只望院方調查清楚事件，還他們一個公道。