探射燈：徹底了解產品免招損失
「郵包騙案」中的過濾產品聲稱擁有納米技術，其實納米只是長度單位。卓越培訓發展中心 （精密工程業）塑膠物料資源中心項目專員麥秉文表示，納米本為一微細長度單位，一納米為十億分之一米，大約等同於頭髮直徑八萬分之一。開發商藉不同新技術，將材料合成及處理到納米般極微細單位，可因此改變物質原本特性，帶來技術新突破，「納米技術可以做到以前做唔到嘅微細組件，最突出嘅例子係可以製作出進行微創手術嘅儀器。」
樣本不足以認識納米技術
但麥指出，從未聽過該過濾產品，而單從該樣本及產品介紹，根本不足以了解其採用何種納米技術。「睇佢應該會有過濾功能，但好多產品都可過濾，單從表面睇唔到納米技術應用咗喺邊。佢個宣傳單張只係好含糊咁講個產品好處，完全冇講過用咩技術、甚至有咩具體功能。」他提醒廠家應先了解產品技術、甚至進行驗證，才決定是否進行交易，避免招致損失。