德育及國民教育科喺九月份開學時炒得鬧哄哄，反國教者開口埋口「反洗腦」，事隔兩個月後風頭火勢已過，政務司司長林鄭月娥被問及國教科時愈講愈放。林鄭回應有人話國教科整項政策工作係「洗腦」工作，咁講法唔單止同事實不符，亦唔會發生，因為如果以政治立場去分析，喺有教協呢個把關同監察機構下嘅教師，點會樂意成為政府嘅洗腦工具呢？林鄭言下之意，係咪暗寸教協把關不力呢？
