Party Life：型英帥

「廿五歲」，已成為一個永遠年輕嘅神奇數字。一個品茗品牌創業廿五周年，早前喺尖沙咀某商場大搞生日派對。

主人家拎出每餅價值近五萬元嘅普洱茶餅大宴親朋，高朋滿座。茶香，情更濃。

進軍做「曲奇餅王后」嘅前港姐謝寧，計劃出品富中國茶味嘅曲奇，創意十足。	社交名人周國豐（右）唔止熱愛中國武術，品茗都係佢同太太Jenny嘅心頭好。	飲食大亨湯聖明（左）同福茗堂創辦人李少傑（中）老友鬼鬼，呢晚拖埋太太何明懿（右）以茶代酒祝賀，格外開心。
旗艦啟航 保良局總理陳正欣（右）同太太Angel（左）為品牌王國開枝散葉，成功引進英國男裝名牌，同係保良人嘅玩具大王蔡志明太太蔡李惠莉（中）當然要恭賀一番。	鐘錶大王孫秉樞（中）早前獲業界頒發終身傑出貢獻及成就獎，馬會大董葉澍堃（左）及陳南祿（右）都戥佢開心。	前東華三院主席李三元公子李仲怡勤力練跑，挑戰明年半馬拉松賽。
「鯊魚女」陳細潔號召好友喺家中開萬聖節派對，收到「糞便蛋糕」，認真搞鬼。