大樹遮廣角鏡 隨時炒車
「呢度係單程路，但彎位個『魚眼鏡』畀樹遮住晒，真係好危險！」貨車司機胡先生發現，將軍澳澳頭村近衛奕信徑一段行車路有多棵大樹久未修剪，令裝置在彎位、俗稱「魚眼鏡」的廣角鏡受阻，部分樹枝更因過長而伸出車路，令大型車輛駛過時「撞頂」，危害交通安全。胡已多次向不同政府部門投訴，惟至今仍未見有改善。
地政總署發言人指出，職員到上址進行實地視察時，發現路旁政府土地上有十一棵樹木生長過盛，已安排植物保養承辦商修剪，該署亦發現其他有問題樹木位於水務署負責維修保養的斜坡範圍內，已將個案轉介水務署跟進。水務署發言人則稱，上址樹木的修葺工作已於早前完成，並就事件對市民不帶來不便致歉。
不過，胡先生卻對部門的回應大表質疑，「之後再行過嗰度，都係一啲改善都冇，唔該啲部門快啲修理好佢，如果出意外嗰陣就大件事！」