曾任中央政策組首席顧問長達十年的劉兆佳，在其新著《回歸十五年以來香港特區管治及新政權建設》中，除了力陳貪曾任內施政頻頻失誤、以權謀私外，更花了不少篇幅點評呢位「飲香港水」大嘅「香港仔」好些不良特徵，包括輕浮、不老實、貪小便宜等。
劉兆佳說貪曾「其辦事能力不過爾爾，連人格品性都有問題」；事實上，貪曾禍港，罄竹難書，作為行政首長，貪到一雞一菜都唔放過，吃相確太難睇！今佳叔以「中央政策組首席顧問」對貪曾數落一番，貪曾睇怕上教堂都要真正懺悔吓啩？或者夜半無人，捫心自問，面都會紅一陣吧？
曾文正公話齋：「君子不恃千萬人之諛頌，而畏一二有識之士竊笑。」意思是說君子不會因千萬人的阿諛奉承而得意，卻會為一兩個有見識之人的譏笑而不安。誠然，貪曾原非君子，只是一晌貪歡、愛吹水、喜發春秋大夢住總統套房、舔到盡嘅所謂「政治家」，是以本報記者拍到佢鬼祟返港，一樣出入富豪喜宴、鄉紳飯局……當正自己「人紅是非多，爭議聲一片」！
晚清中興名臣胡林翼說：「一朝失足，則將以薰蕕為同臭，而無解於正士之譏評。」觀乎貪曾正是如此，人一旦墮落，就不會辨善惡，也就無法理解正直之士的譏諷評議。曾蔭權爵士既無畏廉署請佢飲咖啡，且極盼中央給予一官半職，以其識見，但知「林子大了，甚麼鳥都有」，人大政協，多隻貪鳥又算啥？此亦所謂「薰蕕同器，雞鳳共食」而已。