政府上星期五推出買家印花稅同延長額外印花稅兩項辣招後，周末睇樓量應聲下跌，財經事務及庫務局局長陳家強尋日上電台解釋政策，有市民話佢落嘅係重藥。陳家強就唔評論落嘅係咪重藥，只係好肯定咁話措施係有效嘅，相信對買家有一定嘅阻嚇作用，仲話政府仲有好多招數，可以隨時出招添。
