關係幾十萬長者福祉嘅長者生活津貼計劃，聽日就會交到立法會財委會審議，負責計劃嘅高官近日亦四出奔走，爭取立法會議員支持通過。喺咁關鍵嘅時刻，有「股壇長毛」之稱嘅前港交所董事韋伯（David Webb）就撰文，支持政府企硬要同時設立埋申報制度，佢舉出好多例子支持自己講法，因為胡亂撤去，就會變成尾大不掉嘅無底深潭。愈來愈多有識之士支持計劃要有申報機制，到底班為反對而反對嘅議員，有冇打開耳仔去聽呢？到底佢哋堅持嘅係民意，定係民粹呢？
