雖然政府擱置德育及國民教育科指引，但大角咀鮮魚行學校就參考咗有關指引，再加入教師根據校情設計嘅內容，尋日舉行首次國教科課堂。鮮魚行校長梁紀昌認為，見到升國旗同聽到奏國歌，唔應該有冷酷無情嘅反應，仲話如果老師發現學生嘅感受有偏頗，會跟進了解喎。至於何謂「感受有偏頗」？梁校長就舉例話，如果學生嘅感受係覺得升國旗同奏國歌係好搞笑，咁就有問題喎。莫非要學生感動到喊先至合乎標準？
