政情：大舞台：慢必鬧人 國、角不分

立法會議員尋日討論德育及國民教育科有關嘅動議辯論，講到呢個敏感議題，又係議員發表偉論嘅時候。做過多年節目主持人嘅「慢必」陳志全，對文字發音比較敏感，佢發言時突然中文老師上身，字正腔圓指正民建聯蔣麗芸同李慧琼，話兩人口口聲聲支持國民教育，但發言時就將個「國」字，錯讀成「角」字，佢仲叫部分泛民主派議員都要留意吓，以免教壞細路，誤人子弟喎。