龐一鳴嘅理據其實好清晰，話根據報道，胡志偉部單車其實只係由屋企踩去港鐵站，過海去到金鐘後，再踩另一部單車去立法會，由於路程甚短，所以環保極都有限。龐一鳴話，正確嘅環保過海路線，其實係踩到去尖沙咀搭船過海，再踩單車返位於金鐘嘅立法會喎。佢建議胡志偉聽日喺辦事處等佢，由佢帶胡志偉認識真正環保路線。
胡志偉肯接獲挑戰，可能係因為新人唔想認輸嘅關係，佢竟然反發起一個踩單車活動，聽日約埋龐一鳴喺九龍東踩單車，車程合共一個半鐘，由富山迴旋處一直踩到去鯉魚門牌坊。
所以話從政嘅人唔係唔可以出位，但構想應該完備啲同持之以恒，如果唔係，畀人篤爆破綻百出就唔好喇。