鹹水浸全屋 維修拖成日
家園頓成澤國，房屋署租戶求助無門。紅磡邨有單位廁所水箱喉管配件爆裂，鹹水如泉水般噴出並傾瀉一地，全屋水浸深達兩吋，戶主向管理處求救卻獲覆「已經過咗辦公時間」，維修部亦已「收工」，僅派遣保安協助清理積水。關注團體直斥事件反映房署外判機制存在漏洞，促研究增設緊急維修服務。
記者：伍思明、黃芷君
「嗰晚一開門就見到成間屋浸晒，真係有種欲哭無淚嘅感覺！」李先生與父親、妻子及數月大的女兒居於紅磡邨，早前下班後發現全屋被鹹水淹沒，即時致電管理處求助，但對方的回覆卻令他大感憤怒，「佢哋話已經過咗辦公時間，好多嘢都要等聽日先幫我處理到。」李遂自行關上鹹水閘掣，其後雖有保安員到場，但僅協助「掃水」，無法解決爆喉問題。
浸壞屋要求調遷單位不果
「好彩最後有鄰居幫手一齊清走啲水，但都搞到凌晨三、四點先有得瞓」。李不滿過程中房署與管理公司只派保安員及僅提供一部吹風機，事後亦未有主動協助解決因爆喉引致的種種問題，「成間屋畀鹹水浸過，好容易惹蚊滋，我有皮膚敏感，BB啲皮膚又薄，有咩事上嚟驚手尾長，加上好多電器都壞晒，真係唔知點住落去！」李曾要求管理處安排調遷或提供臨時單位暫住，但俱不果。
公屋聯會主席王坤指出，根據多年來的屋邨管理運作，倘仍由房署直接負責屋邨管理，最少會有一名二十四小時輪更駐邨管工為居民提供緊急服務，「可惜自從房署陸續將屋邨（管理）外判之後，似乎就冇要求承辦商提供相關服務，令居民得到嘅支援減少咗好多。」
「有起事上嚟想搵個人都冇」
王坤又認為，上述事件反映房署外判機制存在漏洞，「租戶有起事上嚟想搵個人都冇，咁物業管理公司仲有咩用？」王要求房署須就事件檢討，除考慮提供緊急服務外，亦可建議外判公司添置水泵，處理突發性的爆喉或水浸事件。
負責管理該邨的管理公司發言人指出，事發當晚已經安排保安員到現場了解並且協助住戶清理積水，又指其後亦各派一名保安及清潔員工到單位提供協助。翌日職員聯同工程人員到場視察及調查事故原因，發現廁所水箱內的入水喉配件斷裂，當日上午已將損壞水箱維修妥當。
至於住戶要求暫住臨時單位一事，發言人則未有正面回應，僅稱倘住戶能提供充分理據及相關文件，證明無法繼續於現居單位居住，辦事處始會就調遷申請作出考慮。
水箱浮波掣老化
水箱配件爆裂或涉不同原因，香港專業教育學院（青衣）建造工程系系主任陳子明估計，上述事件中，配件爆裂或與儲水箱內的浮波掣老化有關，「個掣係用塑膠造，一般用十年就會開始老化要更換，如果唔係就會影響佢原先控制水箱儲水量嘅功能。」陳子明又說，由於沖廁用的鹹水含有多種微生物，加上水箱內的入水配件空間狹窄，容易積聚雜物阻塞出水位，膠件一旦變得脆弱，即會因未能負載水壓而出現配件斷裂情況。