中環出更:葉振國翁國豪愛蒲威士忌吧

醫學美容中心老闆兼榮興集團太子爺葉振國(Danny)近年瞓身搞扮靚生意,除香港外,仲喺北京三里屯開設七千呎美容中心。幾忙都好,佢一有時間就相約三五知己去威士忌吧飲兩杯。心水之選,係將Blue Label威士忌溝梳打,一晚閒閒哋飲兩支,認真豪!

威士忌吧係香港新興蒲吧文化。Danny鍾情中環「九如坊餐廳」新開嘅Lounge,太子爺翁國豪(Peter)同佢一樣,出身的士車行世家,沙煲兄弟無所不談,經常摸酒杯底交流生意經。

提供逾百品種

留學澳洲讀經濟學嘅Peter,自小受爸爸感染,食得嘴刁。為谷旺餐廳晚市,靈機一觸開特色威士忌吧,月前投資廿多萬元將餐廳一角大裝修。小小吧枱,有齊逾百種威士忌,美國、日本、愛爾蘭及加拿大等一應俱全。Peter話,威士忌入口層次豐富,一啖入口,你會嘗到雲呢拿、車厘子,甚至海水味,好有趣,吸引唔少威士忌迷定期來尋寶。

卓妮

第一手消息請下載on.cc東方互動iPhone/iPad/Android/Windows Phone Apps