顧客被推銷除皺新法 「職員話效果好過Botox」
【本報訊】醫學美容五花八門。曾光顧DR醫學美容集團的譚太稱，約兩、三年前，該集團職員向她推銷名為laViv除皺新療法，「我有眼紋，佢哋游說我試新嘢，話效果好過Botox（肉毒桿菌針），效果更加持久，職員仲畀埋剪報我睇，話係美國新技術」。她說，職員解釋療法主要先從用家口腔上顎抽取細胞，然後放在專屬實驗室繁殖種菌，七至十日後，培植出數以千萬個新細胞，之後再注射到病人需要除皺的位置。
由於療法收費高達七至八萬元，加上是新科技，譚太不敢貿貿然試用，她諮詢另一間經常光顧的美容店，得知該種療法未正式引入香港，療效成疑，美容師勸她別衝動試用，她才打消念頭，「依家諗番，如果當日打咗嗰種針，就做咗白老鼠，出事都唔知點算」。
「殭屍美容」直接打入面部
根據DR醫學美容集團網頁資料，各種服務令人眼花繚亂，當中包括一種近年興起、俗稱「殭屍美容」的「PRP」療法，原理與今次出事的「DC-CIK」相似，均是抽取用家本身的血液，經特別處理提取特定成分。不同的是「殭屍美容」並非以靜脈注射方式注入體內，而是直接注射入面部，聲稱有去皺、美白、收毛孔及肌膚再生等效果。
女星回應
何佩瑜（Jeana）：「都覺得幾大件事！我做過瘦面要打針，當時顧問同醫生解釋好清楚，連針藥出處都知道，所以好放心！我亦冇試過出事嘅療程，勸喻大家要幫襯信譽好嘅美容中心，確保明白每個步驟，有咩唔明要問清楚。」
陳靜（DaDa）：「好震驚！注射就一定有風險，我未試過打針，因為未有需要，自己代言嘅公司只係做機器。明白中年女士需要保養，亦愈來愈多女仔貪靚，但應該先用更健康、自然嘅方法，好似飲食同做Facial，唔使太急於嘗試打針，亦要注意美容公司同有關療程係咪信得過。」