探射燈：來歷不明 齋睇唔食一樣搵命博
內地野味市場污糟邋遢，買賣的人在無戴手套或口罩的情況下，近距離接觸整個屠宰過程，隨時會感染病毒，醫學界人士警告，內地野生動物來歷不明，未知身上帶有甚麼病毒，市民即使「齋睇唔買」，亦有可能間接接觸到病毒，買野味形同搵命博！
細菌病毒橫飛
家庭醫生關嘉美指出，若野生動物本身已染病，其體內的血液、分泌物，甚至已排出體外的糞便或唾液，都有機會染有細菌或病毒。即使市民沒有接觸到，但由於現場細菌橫飛，病毒可能由間接途徑進入人體，令患者出現由冠狀病毒引發的呼吸道感染或腸道感染。她提醒市民，如非必要，應避免到該些野味市場。
香港醫學會前會長蔡堅亦指出，進食受細菌污染的野味，可能會患上腸胃炎，甚至感染大腸桿菌及沙門氏菌，「除咗會屙嘔肚痛之外，沙門氏菌一旦入血，仲可能會引致白血病而死亡。」