新界村屋僭建申報計劃限期原定今日結束，但屋宇署至今只收到七千三百多份申報表，相比成個新界區嘅僭建物數目，估計十分一都冇，焗住應鄉議局要求將申報期限延長三個月。屋宇署署長區載佳尋日死撐延期唔係屈服，強調政策唔會因為申報延期而改變喎。如果三個月後又係冇乜人申報，唔知區署長會否再次延期、抑或即時向所有冇申報有僭建物嘅村屋發出清拆令呢？
