政情：大舞台：林鄭寸轉軚 公民黨死撐

新界東北發展計劃近日惹來爭議，政務司司長林鄭月娥尋日出席一個午餐會時提到，上述計劃之前已經傾咗好一段時間，最諷刺就係連某位公民黨議員亦話，成個計劃夠晒「與民共議」，足證政府一路都好聽民意，暗寸該黨依家轉軚反對計劃。不過，近日高調反對計劃嘅公民黨立法會議員湯家驊就死撐話，該黨梁家傑確係講過「與民共議」，但堅稱諮詢期冇數據喺手，冇人反對都唔出奇喎，真係乜都佢講晒。