「最優點」設限 紓緩中港矛盾

曾反對內地家傭輸港

國民教育風波、新界北區「水貨客」氾濫、新界東北發展計劃等涉及中港矛盾的爭議近月陸續發酵，梁振英在專訪中指出，「『一國』同『兩制』，香港同內地關係要管理好，一直以嚟我都係咁睇」，例如他早於回歸前出任特區籌備委員會副主任時，已率先表明反對回歸後輸入內地家庭傭工，印證他中港議題升溫並非「始料不及」，亦不會將之形容為「中港矛盾」。

梁振英說︰「大家可以反思一下，點解一筆咁大嘅經濟利益（內地家傭），我作為香港人、中國人，我寧願畀外國人而唔係畀自己中國人，呢個就係考慮到香港同內地嘅關係。」

梁振英強調，政府責無旁貸，一定要管理好香港的容量與需求之間的關係，否則一些好事也會變成壞事︰「香港同內地發展落去有一個最優點、optimal point，即係話有啲嘢過咗呢一點，就會出現一啲負面嘅影響。譬如遊客數字係一個例子，我哋一方面要招攬內地客去使用我哋嘅各種各樣服務，但人數超出optimal point嘅時候，我哋要去處理。」

籲雙向看待兩地關係

談及有何具體措施紓緩中港矛盾，梁振英認為大家應討論內地與香港關係的本質，強調凡事都是雙向而非單向，除了資源分配問題，仍有其他方面的事情值得留意。他舉例指︰「（中央對）港人進入內地工作嘅問題上十分寬鬆，唔需要申請，有啲人報戶口，有啲人唔報，只要有老闆請便可以返工，全世界無任何其他地方畀香港人呢種待遇。你去歐美，你去亞洲國家，你甚至去台灣，都係中國人嘅地方，無一個政府會畀香港呢種待遇。」

梁振英表示，港府十分重視香港同廣東的共同發展關係，形容剛結束的第十五次粵港合作聯席會議很有成果，各政策及部門會積極跟進。他又特別關注大批在內地工作及定居的港人，將親自參加港商十二月於廣州舉辦的「千人宴」，「聽大家心聲，為大家打氣」。