政情：大舞台：禮節性訪問 林鄭照做實事

政務司司長林鄭月娥首次赴京行程就相當緊密，尋日先去衞生部表達本港中醫藥要有更進取發展，然後再到發改委表示希望可以快啲聽到前海發展嘅好消息，晏啲再轉往外交部，感謝當局過往對在外港人嘅支持，就連中午同港澳辦主任王光亞食飯，都要匯報一下目前打擊北區水貨客嘅情況。不過，林鄭由出發嗰日起已多番強調今次只係「禮節性訪問」，但禮節性講嘅嘢都咁實質，佢嘅辦事能力真係強勁。