今年立法會選舉有個特色，就係有多名捱咗好多年嘅第二梯隊黨員，終於如願以償進身立法會，其中一位係民建聯嘅鍾樹根。佢尋日出席電台時，被問到今次當選係咪遲來的春天？佢就答：「遲係遲啲，但個春天都嚟到。呢個春天都唔會太長，因為我係超齡新秀，仲有好多人排住隊湧上來，唔好阻住個位咁耐，我諗住做兩屆起三屆一定止！」兩至三屆，即係八至十二年喎？政治一日都嫌長喇，佢會唔會係過分樂觀，將呢個春天夢變成春秋大夢呢？
