屋署罔顧「危樓戶」生死
長沙灣一幢唐樓單位殘破兼日久失修，一個月內四度塌下石屎，屋宇署仍以沒有即時危險為由疏於跟進，令住戶被迫居於「危樓」。區議員炮轟屋宇署常以「未有即時危險」作擋箭牌，惟評級標準卻含糊不清且過於寬鬆，大有置巿民安全於不顧之嫌。學者則指事態嚴重，建議涉事單位盡快進行維修，以免樓宇結構再受影響而生意外。
惶恐度日憂危及子女
「我問佢（屋宇署職員）係咪死咗人或者重傷先叫做有即時危險，佢竟然答我係！仲話死咗人先會即時跟進，問佢咁間屋會幾時冧，佢就話評估唔到！」羅女士與兩名年幼子女租住長沙灣一唐樓單位，一個月內四度有石屎從天花塌下，其中一次更擊傷其手。
羅為塌石屎一事終日惶恐不安，擔心子女受傷，又因經濟拮据而無力搬家，遂寄望屋宇署跟進，可惜結果卻大失所望，「屋宇署啲人第一次嚟已經話冇即時危險，點知冇耐又冧；第二次同第三次嚟睇又係呢個答案，後尾又冧，仲叫我點信佢？」羅狠斥該署遲遲未有出信要求單位業主維修，令一家三口飽受「計時炸彈」威脅。
屋宇署發言人在本報轉介後兩個多月才就事件回覆，坦言曾三度接獲上址天花石屎剝落的舉報，經派員視察後，發現部分天花有裂痕及凸起、橫樑有裂縫，但並無影響樓宇結構安全。職員在現場已向業主指出欠妥之處，並已發出維修命令。
「之前問過佢哋幾時會發維修令，個職員淨係話『好多文件要處理冇法即時發信』，點知《東方》一幫手就出信，真係唔投訴唔得！」羅女士不滿屋宇署處事欠積極，對政府部門的效率及工作態度深表失望。
唔死人冧樓唔知危險
當區區議員梁有方認為，現時部門對樓宇結構是否有即時危險的定義模糊且寬鬆，更常因私人地方較難處理而卻步，「一個月跌幾次，點睇都有即時危險，但對於屋宇署嚟講，唔到死人冧樓都唔會覺得係危險！」梁直指屋宇署作為執法者，理應承擔責任協助市民，要求當局正視問題。
香港專業教育學院（青衣）建造工程系首席講師黃漢平解釋，鋼筋生銹發脹可令石屎「逼爆」，而樓齡、石屎質素、石屎包圍鋼筋厚度等因素皆可導致鋼筋生銹，「冧石屎嘅次數咁密，樓宇結構狀況明顯好差，業主應該要全面檢查同維修。」
記者：阮佩君