走水貨要睇時令，農曆八月是月餅、紅酒的旺月。上水彩暉街街頭，一輛大貨車運來數以千盒計月餅，隨即被大批水客瓜分，一人兩箱，載到鐵車仔上火速朝港鐵站Ｃ入口進發。拖貨過關過去甚為順利及省時，但昨日跟水貨客走貨一轉，期間碰上本港海關加強檢查，不少水貨客的大行李遭檢查，冰皮月餅也「逐盒打開睇」。
「冰皮嚟o架，要行快啲，半個鐘頭內要到羅湖。」一名男子一邊發單一邊說。「最後兩箱，仲有無人攞？」記者尾隨同夥的兩名男水客，二人快手快腳合力把月餅重新整理再裝車，各拉兩箱，前後不到十分鐘就進入了港鐵上水站，其中一男子說，「除咗車資，呢轉應該可以賺到一百三十元。」
羅湖橋頭港方的一邊，有二、三十名疑似水客駐足等候，沒有過橋的意欲，有水客明言要暫時避一避風頭。拖住兩箱月餅的男子不以為然，前後腳繼續過關。
「你！過來！檢查行李！」行頭的水客被海關盯上了，要打開行李檢查，無論大件小件也要查一次，冰皮月餅定然不能幸免需要開罐。半個小時後，該水客步出關口。
「咁唔好彩今日被抽到檢查，以往月餅好少檢查，唔知點解今次咁嚴，被警告咗兩句囉，都走第二轉了。」水客在地鐵站大堂與收貨人大吐苦水。
本報記者