政府牙科診所一籌難求

陳伯首次到大埔王少清牙科診所求醫，事前已獲悉診所每次只會提供四十二個診症名額，但求診者眾，名副其實的「十個茶壺九個蓋」，故清晨五時經已出門輪籌，可惜半小時後抵達發現「白行一趟」。陳伯坦言深感無奈，「一去到條隊都唔止四十二個人，一睇就知冇籌！鬼叫冇錢睇私家醫生咩，醫療券之前睇病又用晒，惟有下次四點出門！」

魏婆婆亦有類似經驗，「撞過板之後下次咪識早啲囉！冬天凍到雪條咁，又行唔開去廁所，都幾辛苦o架！有啲人跨區嚟睇仲慘！」

牙科街症迅速滿籌，不少巿民「摸門釘」。	大埔王少清診所逢星期四上午派發四十二個籌號，額滿即止。	市民心聲：丘伯 特登四點鐘嚟先排到頭位！驚遲到拎唔到籌。

並非公營牙科一部分

衞生署發言人指，政府牙科診所主要為合資格公務員、退休公務員及其合資格家屬提供之牙科醫療福利，非公營牙科服務一部分。至於公營牙科，衞生署則會透過轄下十一間政府牙科診所，為市民提供免費緊急牙科治療（牙科街症）。大埔王少清牙科診所乃其中一間提供此服務的政府牙科診所，時段為逢星期四上午，每次派發四十二個籌號。因診所其他時段需處理大量診症，服務量已飽和，暫無額外空間可對外開放予公眾使用。

陳小姐 每周一日梗係唔夠啦，唔少人天未光就嚟排。

鄧女士 六點幾就嚟排隊，遲咗驚無籌。

發言人又補充，巿民如有需要，可選擇到志願機構經營的牙科診所，或透過轉介形式，在七間公立醫院設立的口腔頜面外科及牙科部接受診治，長者更可使用長者醫療券接受私營牙科服務。

應增名額紓緩需求

「十八區入面有八區冇牙科診所，香港島更加得堅尼地城一間，住喺柴灣都要走去嗰度睇！」香港社會服務聯會政策及倡議主任黃慧然指出，現時無論政府牙科診所的數目、診所提供的服務名額均嚴重不足，去年更有調查顯示，過半數領取綜援的長者並不知悉可申領綜援牙科治療津貼，而每年五百元的醫療券又不足以支付私營牙科服務，要求政府正視市民的牙科醫療需要。

大埔區議員譚榮勳則指，曾接獲不少街坊反映牙科服務名額緊絀，認為政府絕對有責任研究增加名額，區議會正與相關部門商討興建新綜合式公營診所，望可紓緩區內需求。

記者：朱廣華

攝影：伍思明