立法會選舉前，反國教潮一發不可收拾，簡直係有佢講無人講。事隔一個禮拜，科技大學經濟學系主任雷鼎鳴尋日就話，本港年輕一代對國家認識的貧乏，已經到咗驚人地步。佢話本港作為國家通往國際的橋樑，好多僱主亦與內地有密切生意來往，擔心反國民教育情緒，會延伸至抗拒與內地人交流或合作，錯失到內地發展機會，長遠削弱個人競爭力，甚至打擊本港經濟發展。佢話佢個人反對洗腦，但就贊成國民教育。
