上次五區「公投」民主黨唔願參加，偏偏社民連梁國雄尋日喺《城市論壇》建議，如果日後廿三條再來，或者政改方案太離譜，泛民三位超級議員即民主黨何俊仁、涂謹申、民協馮檢基，是但一個就要立即辭職，藉補選搞變相公投。三人歷盡千辛萬苦先贏到議席，當然唔會咁易辭職，不過畀人不斷指指點點，就已經夠煩。
民主黨年底或有大轉變
聽到長毛咁建議，論壇上嘅民主黨單仲偕都唔敢出聲，但有市民再追問時，單仲偕惟有焗住回應，話部分選民喺今次選舉已用選票嚟懲罰民主黨，民主黨年底換領導層時或者會有標誌性嘅轉變路向，叫市民耐心等待吓喎。