探射燈：老將單仲偕：唔好迷信新人
民主黨今屆僅得三名現任議員成功連任，三名「新」當選議員當中，黃碧雲及胡志偉亦不算年輕，另一人更為重返議會的「老將」單仲偕，第三梯隊上位遙遙無期。單仲偕在專訪中強調「老有老好」：「美國好多（國會）議員都係六十幾七十歲，我希望香港人唔好咁迷信新人主義。」
單仲偕又說，民主黨在港島區內有不少高質素新人，如柴文瀚、羅健熙等，有望以高知名度舊人為新人「抬轎」的方式上位：「佢哋就算下屆唔接，二○二○年都要接喇。」他成功「空降」港島區後的首要工作，就是部署好二○一五年區議會選舉，協助更多黨內新血參政，「邊區（議員）辦事處要收檔，邊區要開檔，要盡快決定資源分配，贏到區議會，立法會就唔難贏。」
民主黨策略失誤「攬住死」
談及民主黨選戰失利原因，單仲偕認為該黨本身跌票不多，大敗全因選舉策略失誤，例如在新東太過冒進，派出三隊參選，又未有及時放棄蔡耀昌保黃成智，最後兩人「攬住死」；新西方面其實亦應棄陳樹英保李永達，但因兩人是夫婦而作罷，不能完全怪責其他泛民黨派搶票過多。此外，現為民主黨副主席的他，表明無意接替已辭職的何俊仁出任黨主席。