人民力量同社民連作為立法會嘅激進派，大部分政黨平時已避得就避，喺揀選辦公室時就更加小心佢哋。不過，今屆竟然有建制派政黨肯自願搬上去同人民力量做鄰居，究竟邊個政黨咁肯犧牲小我？咪就係工聯會囉！
工聯會四位議員同民建聯喺六樓做鄰居做足四年一直相安無事，但適逢兩黨今屆加埋贏多五席，搞到六樓坐唔晒咁多個議員。據聞工聯會六位議員為咗唔想分家，不惜向吉房多過議員房嘅十樓打主意，叫人民力量兩位現處尾房嘅議員搬去最前面嗰幾間房，等工聯會可以打通晒啲房間方便工作。人民力量黃毓民話，起初都唔想成人之美，但後尾諗到前面幾間房可以睇到維港無敵大海景，所以先肯同工聯會換房喎。