中環出更：政商名流齊賀英皇70周年

大約傍晚六時許，李嘉誠滿面笑容到場，卓妮見佢拎住杯香檳同嘉賓有傾有講，心情靚絕。久未露面嘅賭王就坐住輪椅現身，同行仲有四太梁安琪及囝囝何猷亨，賭王精神奕奕，仲同朋友揮手致意，何家淑女超蓮就單刀赴會。

楊受成話，英皇集團由一間小錶行發展到今日嘅規模，係憑藉「永不言棄」嘅精神。佢仲透露話，正安排旗下業務上市，但涉及乜嘢範疇就冇詳細交代喇。

中聯辦副主任李剛（左）到賀。

鄭裕彤（右）百忙中抽空嚟撐場。

楊受成繼續回饋社會

一向為善最樂嘅佢，強調將繼續回饋社會，尤其係關注長者善終服務，令無依無靠嘅長者安享晚年。尋晚共有過百位員工獲長期服務獎，其中兩位年資更超過廿八年，認真犀利。

久違嘅賭王何鴻燊（中），喺四太（左）及猷亨（右）陪同下到賀。	曾憲梓都嚟見證英皇集團嘅開心時刻。	信和集團主席黃志祥（中）神情輕鬆，與楊受成長子楊其龍（左）有傾有講。

卓妮