探射燈：改善公司設施助帶子一族
聘請明姐的時裝店東主陳小姐讓她「帶女返工」，令明姐可以同時兼顧工作與照顧子女。陳直言小朋友「進駐」公司，不會影響運作，而她之後亦聘請了多名「帶子返工」的員工，「事實證明小朋友嚟咗唔會影響家長做嘢，相反因唔使心掛掛而可更專心工作。」為照顧這班「帶子返工族」，陳特意改善公司內的桌子及廚房等設施。
真正助家長走出困境
回想六年前聘請還在街上執紙皮的母女上班，陳坦言基於憐愛孩子，「喺電視見到佢哋嘅遭遇，又覺得小妹妹好可愛，咪搵社工睇吓佢想唔想做兼職。」自此，明姐有了份穩定的工作。陳認為這樣才可真正幫助有需要的家長走出困境，「我覺得想幫佢唔係捐筆錢就算，我有能力畀佢帶埋個女返工，又何樂而不為呢？」
「雖然唔係每個工種都可以畀佢哋帶仔返工，但對需要幫助嘅人，都可以彈性啲。」她明白「帶子返工」難在大機構實踐，但若每個企業都能履行社會責任，員工上班時便會更快樂及拚搏。