民協同民主黨當年走去密室談判後支持政改方案，結果被激進泛民黨派連番狙擊，批評佢哋出賣民主同出賣港人，更影響兩黨喺今次立法會選舉嘅表現。啱啱當選超級議員嘅民協馮檢基，談及如何緩和同激進泛民嘅分歧時話，通過政改方案嘅關鍵，係點樣處理同討論嘅過程，如果不同嘅泛民黨派可以一齊去同有關方面商討，咁就不存在密室談判啦！根據佢嘅講法，只要大家一齊去做啲錯嘅嘢，錯事就會變番啱。
