政情：迪園親善大使難忘病童
香港迪士尼樂園每年亦有「選美」舉行，但選嘅係親善大使，遴選過程長達數月，而第七任親善大使將於本月十八日誕生，現有一男六女的演藝人員角逐殊榮。今年嘅親善大使黎秋霞將於年底卸任，原來佢六歲就因有腦瘤要做手術，但樂觀嘅性格令佢重新站起來，跳入迪士尼的舞台，為遊客分享歡樂，娛人娛己。
黎秋霞因一次跌倒後令腦部積聚瘀血，最終變成腦瘤。佢憶述當年每日要到醫院抽血化驗，原以為不能再跳舞，但佢未有放棄，長大後更加入迪士尼擔任舞台演出。她最難忘嘅經驗，係有次見到一名坐輪椅嘅小童，總是悶悶不樂，經了解後，原來個小童喜愛繪畫，擔心因病未能達成願望，佢將自己嘅患病經歷與小童分享，終令小童釋懷重現歡顏，開心盡情享受樂園嘅歡樂氣氛。
樂園更成為月老。機動遊戲機部嘅郭楚輝及馮綺雯就是因為搶修故障遊戲機結下情緣，依家三歲大嘅兒子每次遊園，總是情不自禁跟隨「綠色士兵」一齊步操，成為迪士尼小粉絲。