運署長鎖橋 市民無得用
為免被佔用而長鎖天橋斜路，運輸署被指「斬腳趾避沙蟲」！何小姐不時行經深水埗，發現欽州街西與昌新里交界的行人天橋兩端斜道設有鐵閘，並長期上鎖，擔心有需要人士無法使用，「喺天橋兩邊起斜路，原意應該就係用嚟畀有需要嘅人用，依家起好咗但又鎖住佢，咁起嚟做咩？」
運輸署發言人解釋，為減少露宿者佔用該行人天橋斜道，及以利用手推車將雜物運往天橋上擺放，經深水埗地區管理委員會商討後，該行人天橋兩端的環形斜道分別於○四年及○七年封閉。輪椅使用者仍可採用就近欽州街西與昌新里交界的地面行人過路處橫過馬路。
「咁做根本就係斬腳趾避沙蟲，政府有錢都唔係咁嘥，依家起咗（斜路）同拎嚟擺冇分別！」何小姐認為運輸署為免露宿者佔用而長鎖天橋斜路，做法不但矯枉過正，更充分反映當局於興建設施前考慮欠周詳，以致出現得物無所用情況，大有浪費公帑之嫌。