塌樹擋通道 清場歎慢板
「成棵大樹喺斜坡上面冧落嚟，打橫攔住條步行徑，唔知點解咁耐都冇人理！」灣仔街坊周小姐發現，律敦治醫院綜合樓與灣仔公園交界有大樹倒塌多時，一直未有部門清理，對市民造成不便，「公園啲職員又話唔關佢哋事，醫院又冇搵人清，希望快啲有部門清走佢，開番條路畀我哋行啦！」
律敦治醫院發言人稱，上述大樹位於該院範圍內，倒塌後已即時通知承辦商到場檢查、評估及清理被吹倒樹幹，經評估後證實被吹倒大樹對公眾並無造成潛在危險，雖然如此，該院已安排承辦商於九月十日開始清理工作，發言人補充，該院至今未有收到有關樹木倒塌之投訴。
周不滿律敦治醫院「歎慢板」，有罔顧市民生命安全之嫌，要求院方盡快清理現場塌樹，保障市民安全，「咁都話冇潛在危險？萬一有意外邊個負責？」