全國政協委員劉夢熊日前邀請學民思潮成員就國民教育問題辯論，被對方以時間倉促為理由斷然拒絕。劉夢熊尋日講開呢件事時就好勞氣，批評學民思潮班人係「一言堂」，經唔起議論，唔敢正面交鋒。佢又話，自己早於二十四小時前邀請對方辯論，時間一啲都唔倉促，加上大家就呢個議題談論咗咁耐，理應已經入晒腦至係，就算要即興辯論都冇問題啦！
